Yox kawxinaqil: Stojol heb’ kuywajwom k’al heb’ iqb’ajwom

Stxolil mulanjil: Chi saychaj itz’aq kuywajwom.

Hoq saylay mulnajwom tol chi yaq’ok sk’ul yin smulnajil, hoq aq’lay smulanjil heb’ kax hoq kan heb’ kolwaj yetoq heb’ kuywom yet watx’ chi yun sb’ey heb’ yin skuyoj.

Yelxa’ miman yelapnoq jun mulnajil ti’ yujtol heb’ kuywom hoq yil swatx’ilal ta tol watx’ hoq kuylay heb’ yuj heb’ kuywajwom kax hoq kollay heb’ yin skawxinaqil.

Watx’ hoq jila’ ta tol ay kuywajwom hoq yochej mulnajoq kax hoq yochej chi kuywaj yin watx’ b’ay Distrito Escolar yet Shelton, swatxilal ok heb’ kuywom yin sq’inal. Hoq kowatx’nej stxolil tzet hoq yun yok mulnajil yet hoq kosayoni k’al jaq’on smulnajil komulnajwom, hoq kopeloq tzet nab’alejal inejon okoq kax hoq jalon tzet stxolilal hoq yun yok mulnajil b’ay yatutal kuyoj. Hoq ok wajmulnajil yetoq jayeb’oqxa yatutal mimeq kuyoj yet chi ch’ib’ sjelanil heb’ hoq mulnaj yin kuywajwomal tol lananto skuywi kayti’. Yet hoq illay sb’ey mulnajil, hoq illay tzetal hoq q’anlayoq yet hoq illaytoq tzet watx’ilal chi kan yin sq’inal heb’ kuywom.

Yilb’al swatx’ilal kuyoj: chi ch’ib’ sb’isil heb’ kuywom yin yox ab’il 3rd k’al 7th maqan kuyoj tol chi ajapnoq skuyoj heb’ yin jun ilwal chi yiq Evaluación Smarter Balanced, hoq ayteq sb’isil tenchewal, hoq aj sb’isil heb’ kuywom chi lajwi skuyoj, hoq slaj heb’ kuywom skuyoj yin 9th maqan kuyoj waqeb’ lajb’al kuyoj kax chi ajapnoq sk’uhal stoj heb’ b’ay junoq yatutal mimeq kuyoj.

Stxolil mulnajil: Lajan watx’nab’ej k’al watx’b’eyb’alej

Hoq kotx’oxel lajan kowatx’nab’al k’al kowatx’b’eyb’al b’ay chon mulnaji.

Hoq kuylayoq kax hoq b’eyk’ulnelay yib’an sb’eyb’al heb’ kuywom k’al heb’ mulnajwom yetoq tzet chi swatx’nen junjun. Hoq ok yip jayeb’ b’eyb’alej ti’ yet watx’ hoq yun sb’ey komulnajil b’ay yatutal kuyoj ti’. Watx’ b’ay hoqon mulnajoq kax watx’ hoq yun kokuywi ta tol yin lajti’ ayon kax junnej tzet chi juqtej yin komulnajil.

Hoq scha’ heb’ mulnajwom jun kuyoj yib’an kob’eyb’al yet chi yojtaqnej heb’, chi yaq’ok heb’ yip, kax chi b’eyb’anelay b’ayk’al chi ok mulnajil b’ay yatutal kuyoj yet Shelton.

SYilb’al swatx’ilal kuyoj: chi ch’ib’ sb’isil heb’ kuywom yin yox 3rd ab’il k’al 7th suq ab’il maqan kuyoj tol chi ajapnoq skuyoj heb’ yin jun ilwal chi yiq Evaluación Smarter Balanced, hoq ayteq sb’isil tenchewal, hoq aj sb’isil heb’ kuywom chi lajwi skuyoj, hoq slaj heb’ kuywom skuyoj yin 9th yetoq waqeb’ lajb’al kuyoj kax watx’xa stoj heb’ yatutal mimeq kuyoj.