B’ab’el kawxinaqil: Kuyoj tol miman ssat hoq yaq’a’
Stxolil mulnajil: Hoq jil ssat komulnajil yet hoq jiloni tol masanil kuywom chi yi’ajteq sk’ul skuywi kax hoq yalon heb’ chi scha’ sk’ul chi ilwi un kax tol ajtz’ib’ heb’. Hoq stx’oxel heb’ junti’ yet hoq yilon aj heb’ un k’al stz’ib’li heb’ b’ay yatutal kuyoj chi aq’on ok yip kuyoj.
Miman yelapnoq komulnajil yujtol masanil tzet chi kowatx’nej b’ay yatut kuyoj chi kolwaj ok yin skuyon sb’a heb’ kuywom nachaj el yuj tzet lanan yilon yin tx’an un k’al yalon el snab’al yetoq tzet chi stz’ib’ej heb’.
Xiwilxa kuyoj chi stx’oxoni tol heb’ kuywom chi scha’ sk’ul yilon un watx’ sb’ey heb’ yin skuyoj kax tol jelan snab’al heb’ yi’on ok sq’inal yin stxolilal. Yet chi scha’ sk’ul heb’ kuywom yilwi un, chi yochwanejk’al heb’ chi yojtaqnej jayeb’oqxa nab’alej kax tol chi yojtaqnej heb’ yab’ixal jayeb’ooqxa kajlub’al yet payxa. Yet chi scha’ sk’ul heb’ kuywom stz’ib’li, ay yip sti’ heb’ sq’anjab’i k’al spojon el heb’ tzetal chi skuyu’. Yet hoq el yich komulnajil hoq kowajb’aj ok jawanoq maktxel hoqon i’on b’ey yin komulnajil kax hoq yilontoq heb’ k’al yalon heb’ tzet sb’ey kuyoj.
Hoq maqchaj tx’an un hoq oktoq yul yilb’al un b’ay heb’ kuywom yet chi uj ssik’on heb’ tzet unal chi scha’ sk’ul yila’. Hoq el yich manlay tx’an b’ay heb’ kuywom ayok yin k-6 yet toxa chi lajwi ab’il 2022, hoq xew tu’ hoq manlay tx’an yet heb’ kuywom ayok yin 7-12 yet chi el yich ab’il 2023 Maktxel hoq kuywajoq aton hoq ilon stxolil kuyoj mulnajil k’al stxolilal tzet hoq yun yok kuyoj, hoq xew tu’ a yel yich kuyoj tu’. Yet ajnahil heb’ kuywom k’al masanil kajyom hoq uj yok heb’ sxol jun kuyoj ti’ sq’anon tzetal ay b’ay k’al yapni yilon tzet chi yun yok kuyoj yetoq heb’ kuywom.
Yilb’al swatx’ilal kuyoj: hoq ch’ib’ sb’isil heb’ kuywom ayok yin yox maqan kuyoj k’al suq maqan kuyoj chi elteq3rd 7 th skuyoj yin watx’ yin ilwal chi yiq Smarter Balanced yib’an ti’ej k’al tz’ib’ yin inglés.
Stxolil mulnajil: Lajan chi yun yok kuyoj yin tz’ib’ k’al iloj aj un
Hoq jil ssat komulnajil yet hoq scha’on masanil heb’ kuywom skuyoj yin stz’aqanil kax tol ay tzet swatx’ilal hoq kan b’ay heb’ kax tol kuyoj tu’ ayok yin stxolilal yetoq tzet chi kuylay b’ay junoqxa konob’; Hoq kuychaj yuj heb’ kuywom yilon aj un, hoq tz’ib’loq heb’ kax hoq nachaj tzet lanan yilon aj heb’ yul tx’an un, atak’alal tzet maqanil kuyoj b’ay ayok heb’
Yetoq jun nab’alej ti’ tol lajank’al chi yun sb’ey kuyoj, hoq yil heb’ kuywajwom tzet watx’ hoq yun yawten ok heb’ kuywom yilon aj un, k’al yilontoq heb’ kuywom chi yiltaq ya’ilal yin skuyoj. Axka tu’ heb’ kuywom hoq yilaj heb’ un yul yet kax tol ay swatxil hoq yi’kan heb’ yin.
Hoq scha’ heb’ kuywajwom kolwal yin tzet hoq yut kuywaj sb’a heb’ yet axka tu’ lajank’al sb’ey heb’ kuywom yin skuyoj. Hoq scha’k’al heb’ kuywom kolwal yet k’am chi sb’eqkan heb’ skuyoj, yet axka tu’ watx’k’al hoq yun sb’ey heb’ yin skuyoj.
Hoq el yich komulnaj hoq jiltoq skawxinaqil masanil kuywom k’al koq’anon jayeb’oq ilwal yet hoq jiloni tzet sb’ey komulnajil yetoq heb’ kuywom. Maj kob’eqkan heb’ kuywajwom stx’oqlil, hoq scha’k’al heb’ kuyoj yet k’am chi kan heb’ yintaqil yin ak’ kuyoj axka jun nab’alej yin tol lajank’al chi yillaytoq kuywom atak’ala’ skawxinaqil junjun.
Yilb’al swatx’ilal kuyoj: hoq ch’ib’ sb’isil kuywom yin 3rd k’al 7th maqan kuyoj tol hoq tz’aqnaj skuyoj yin watx’ yin jun ilwal chi yiq Smarter Balanced yin ti’ej k’al tz’ib’ yin inglés.
