Ssat smulnajil Shelton

Jun Yatutal Kuyoj b’ay Shelton yet konob’ b’ay chi ok kuyoj yin sab’ejal kax tol lanank’al sch’ib’i yujtol chi apnik’al ok konob’laq kuywom. Lanan sjaqon Shelton b’e b’ay heb’ kuywom yet chi ssayek’ sb’a heb’, chi q’anlej ek’ heb’ kax chi sna’on heb’ yin sq’inal ssataqtoq yetoq q’umb’alb’a yib’an watx’ b’eyb’alej, mulnajil k’al sjichk’ulal heb’ yin junjun. Yet chi b’eytoq konab’al yetoq jun yatutal kuyoj ti’, miman tzet chi jochej yetoq kax chon tzaloj kokolon heb’ kuywom yin skuyoj. Yet chi jilon ssatil komulnajil, mayal kowatx jun kowajmulnajil yet chi ji’ b’ey komulnajil. Shelton Success ay kaneb’ maqan smulnajil, junjun mulnajil ay kab’ stxolil smulnajil. Mayal kowatx’nej aj yilb’al yichb’anil komulnajil kax mayal kocha’el kowatx’nen stxolilal komulnajil yet junxa ab’il. B’a

Jun nab’alej yib’an kawxinaqil: kaxk’al ayok sb’isil jayeb’ kawxinaqil ti’ k’am chi yal elapnoq ay jayeb’oq yelxa’ miman yelapnoq k’al jayeb’oqxa k’amwal yelapnoq, lajank’al hoq yun yok mulnajil yib’an yul masanil ab’il.

Jun nab’alej yib’an ilwal: Jun ilwal chi yiq Smarter Balanced hoq stx’oxo’ tzet sb’ey heb’ kuywom yin skuyoj. Kaxk’al manwal watx’oq jun ilwal ti’ palta chi yala’ tzet yaq’on skuyoj masanil heb’ kuywom kax chi stx’ox b’ay heb’ kuywajwom tzet stxolil chi kolwaj heb’ yetoq heb’ kuywom yet watx’ chi yun sb’ey sq’inal heb’. Jun tx’oxb’al ti’ junnej tzet yala’ yul masanil ab’il chi kuywi heb’ kuywom, k’am chi yal yin jichanil swatx’ilal max mitx’chaj yuj heb’ kuywom yin sq’inal.